Füfte Tag: Vom Überfau bis zu de Schwingerchünige

Gester si mir spät am Aabe vo Habsburger aagriffe worde. Gmerkt heimer das, womer am singe si gsi u plötzlech si Böller losgange. Ufem Platz isch Füür gsi u usem Waud si Soudate mit Fackle cho z loufe. Uf d Nachfrag nach üsem Aafüerer het üse Pseudo Inder uf „Indisch“ e Name useghoue (so öppis wie „gandaraduwandara“) u ds ganze Lager het se usglachet wöu sis nid hei kapiert. 

Die Habsburger nach dem Friedensabkommen.

Am nächschte Morge hei mir dörfe usschlafe u hei aaschliessend e feine Brönsch gnosse. Da scho fasch Mittag isch gsi hei mir när mit üsem eidgenössische Tagesgame aagfange. Mir hei gschwunge, schiigfahre, Chemmpe gschosse, ghornusset u uf „Reh“ gschosse.

Kranzschütze.

Ds Highlight isch ds Schwinge gsii, womer gschlächtertrennt hei e Schwingerchünig/in gsuecht. Naadisna si d Eutere iitrudlet u de heimer de es typischs schwitzerischs Znacht gässe. Nachem Znacht heimer dr Schlussgang ustrage u Lehmä u d Nina si üsi Siiger gsii.

Der Gang ist gelaufen.

Gäge z Idunkle simer am Lagerfüür ga Lieder singe u K-Trin het ner no e spannende Input ghaute. Zum Schluss het Gianci dr Aupsäge gsproche u mir hei d Nationauhymne gsunge.

Von Nina, Janina, Lara.

Share
Share