Heute ist Freitag. Die Tagwach war heute wieder mal mit der Kuhglocke. D Nikä het d Idee iz uf Schwizerdütsch z schribä wägä däm machä mir ds o äso. Z’morgä isch so wi geng mega gmüätläch gsii. Nach däm isch di ganzi Kompanie ga Zäut ufruumä. Potz, was da aus isch fürä cho.

Nach däm hets äs Spili gä. Mä het müässä Ufgabä lösä für Gäut z übercho. Zum Bischbiu: Siiligumpä, ä Schuäbängu usfädlä u umä iifädlä odr Fragä beantwortä. Speter simer du i Gruppä iidiut wordä. Mir hi am Buur müässä/dörfä/chönnä häufä. Zu üsnä Ufgabä het ghört: Jättä, Rasä mäiä, ufrumä u mischdä.

Leider hets aafa Rägnä, ds het üs abr nid gross gstört. Äs git nämläch nid schlächts Wätter. Numä schlächti Rägächliider.

Zum Zmittag hets Toast Hawaii gä. U ds isch umä so wi geng supper gsi. Nach däm himer Gruppä Zyt gmacht. Üsäs hütigä Thema isch Riichtum gsi. Mir hinis Gedankä gmacht über was dasmer üs fröiä u wasmer würkläch schetzä i üsäm Läbä.

Da d Glogä umä het glüttä u üs het ufgrüäffä umä z häufä himer d Tribühni bim Schwingring abbouä. Ds het hunger gä. U so wi immer isch o z Vieri supperiös gsi. Nachdäm himr du Zorro verhandlig gha. Auso so aus Zorro u Hiufszorro ischäs scho luschdig zuä z luägä wi kenä ä Ahnig het wär dasmä isch (Nicä=Zorro / Nikä=Hiufszorro).

Leider ischäs du gliich nid so lang gangä u si hi mi (Nicä) vrwütschd. Nikä isch churz drufachä o Aaklagt wordä. Da dr zweit Hiufszorro geng no nid isch verwütschd wordä himer du afä Z’Nacht ässä. Dr zweit Hiufszorro isch dr Zymon (Simon) gsi. U ja iz hokämer da ir Gägäwart däsumä u schribä das dahiä. U da mir iz nümme z schribä wüssä verabschidä mir üs iz ganz fründtläch. Adiä mitänang.

Gschribä vo: Nika Jordi, Melina Schindler, Nicole Haldimann